Telefonoaren proiekzioari buruz

Zer da Android Auto/Apple CarPlay?

Atzi ezazu telefono adimenduna segurtasunez gidatzen duzunean. Zure telefono adimenduneko hainbat eginbide multimedia-gailuko pantailan bistaratzen dira, eta bertan erabil daitezke ere (adibidez, nabigazioa, dei bat egitea, musika entzutea, etab.)

Konektatzen denean, Android Auto/Apple CarPlay ikonoa agertuko da pantailan. Eskuragarri dauden eginbideak eta eragiketak enpresaren arabera alda daitezke.

Informazio gehiago lortzeko, joan Google edo Apple-ren webguneetara.

• Google: https://support.google.com/androidauto/
• Apple: https://www.apple.com/ios/carplay/

Kontuz

• Android Auto Google Inc. enpresaren marka erregistratua da.
• Apple CarPlay Apple Inc. enpresaren marka erregistratua da.
• Android Auto eta Apple CarPlay ez dira eskuragarri egongo telefonoaren sistema-eragilea azken bertsiora berrituta ez badago edo telefonoa hauteman ezin bada errore batek edo gailuko akats batek eragindako itzaltze bat dela eta.
• Baliteke telefonoa ez hautematea bateria gutxi badauka. Kargatu telefonoa eta saiatu berriro.
• Gailuko akats batek telefonoa itzaltzea eragin badu, berrabiarazi telefonoa eta saiatu berriro.
• Android Auto/Apple CarPlay bidezko gailuaren USB kablea behin eta berriro deskonektatzen bada eta denbora gutxi barru konektatzen bada, baliteke telefonoak gaizki funtzionatzea. Horrek ere gailuan errore bat sor dezake.
• Baliteke gailua hautemateko behar den denbora desberdina izatea, gailu motaren eta firmwarearen edo sistema-eragilearen bertsioaren arabera.
• Telefono mugikorrarekin datorren USB kablea erabiltzea gomendatzen dugu. (originala ez den produktu bat erabiliz gero, zarata sor daiteke, edo gailuak gaizki funtziona dezake).
• Ezin daitezke eragiketa normalak bermatu telefonoa edozein modutan erabiltzen bada Android Auto/Apple CarPlay aktibatuta dagoenean.
• Ezin da Apple CarPlay erabili dei bat Bluetooth bidez egitean.
• Baliteke Android Auto edo Apple CarPlay ondo ez funtzionatzea telefono mugikorrarekin egon daitezkeen arazoak direla eta.
• Baliteke operadoreak karguak aplikatzea Android Auto edo Apple CarPlay erabiltzean.
• Baliteke eginbide batzuk ondo ez funtzionatzea iOS eta Android-en bertsioen arabera.

※ Honako arazo hauek gerta daitezke telefonoarekin erlazionatutako arazoengatik:

[Android Auto]

• Aldizkako pantaila beltzak agertzen dira Android Auto abiarazten denean.
• Baliteke Android Auto onartzen duten eta onartzen ez duten telefonoen artean desberdindu ezin izatea.
• Pantaila beltzak agertzen dira pantailaren gune batzuetan, aplikazioaren erroreak direla eta.

[Apple CarPlay]

• Aldizkako pantaila beltzak agertzen dira Apple CarPlay abiarazten denean.
• Pantaila beltzak agertzen dira pantailaren gune batzuetan, aplikazioaren erroreak direla eta, Apple CarPlay-ko pantailetatik nabigatzean.
• Audioaren bolumena ezin da doitu konektatutako mugikor baten egoeraren arabera.
• Baliteke dei baten soinu-irteerak funtzionatzeari uztea Apple CarPlay bidez dei bat egiten ari zarenean eginbidea deskonektatzen bada.
• Zerbitzuek behar bezala funtzionatzen ez badute aurretik zehazturiko arazoen modukoengatik, egiaztatu telefonoa eta, beharrezkoa bada, berrabiarazi telefonoa eta konektatu berriro.

OHARRA-Android Auto

• Bluetooth bidezko multimedia-edukiaren eginbideak desgaitu egingo dira Android Auto aktibatzen denean. USB kablea kendu ondoren, eginbide horiek berriro egongo dira erabilgarri.
• Android Auto aktibatzen ez bada ondo konektatu ostean, jarraitu pauso hauek:
• Egiaztatu telefonoan erroreren bat gertatu den.
• Egiaztatu Android Auto telefonoan itxi den.
• Egiaztatu Android Auto aktibatuta dagoen [Phone projection settings] menuan.
• Android Auto-k behar bezala funtzionatzen ez badu berriro konektatu ondoren, bisitatu Google-ren webgunea: https://support.google.com/androidauto/.
• Joan webgune honetara [Android Auto] eginbidea eskuragarri duten herrialdeak zein diren ikusteko. https://www.android.com/auto

OHARRA-Apple CarPlay

• Bluetooth bidezko telefono mugikorra/multimedia-edukiaren eginbideak desgaitu egingo dira Apple CarPlay aktibatzen denean. USB kablea kendu ondoren, eginbide horiek berriro egongo dira erabilgarri.
• Apple CarPlay aktibatzen ez bada ondo konektatu ostean, jarraitu pauso hauek:
• Egiaztatu Apple CarPlay desgaituta dagoen edo ez iPhone-aren aplikazio-ezarpenetan.
• Egiaztatu Apple CarPlay aktibatuta dagoen edo ez [Phone projection settings] menuan.
• Berriro konektatu ondoren Apple CarPlay-k behar bezala funtzionatzen ez badu, joan Apple-ren webgunera: https://www.apple.com/ios/carplay/.
• Joan webgune honetara [Apple CarPlay] eginbidea eskuragarri duten herrialdeak zein diren ikusteko. https://www.apple.com/ios/feature-availability/