Segurtasun-neurriak

Erabiltzailearen eskuliburu honetan erabiltzen diren oharrak

Triangelu ekilatero baten barruan dagoen eta gezi itxurako burua duen tximista-ikurrak erabiltzaileari jakinarazten dio isolamendurik gabeko tentsio arriskutsua dagoela produktuaren barruan, eta tentsio hori deskarga elektriko bat sortzeko bezain handia izan daitekeela.

Triangelu ekilatero baten barruan dagoen harridura ikurrak erabiltzaileari jakinarazten dio gailuarekin datozen erabilera-jarraibideetan erabilerari eta mantentze-lanei (doikuntza eta konponketei) buruzko informazio garrantzitsua dagoela.

Autoa beti segurtasunez gidatu. Ez galdu arreta ibilgailua gidatzen ari zarenean, eta ibili beti erne zirkulazio-baldintzak antzemateko. Ez aldatu ezarpenik, ezta eginbiderik ere. Geldi zaitez modu seguru eta legezkoan ekintza horiek egin aurretik.

Segurtasuna zaintzearren, eginbide jakin batzuk desgaituta daude, eta aparkatzeko balazta piztuta dagoenean bakarrik funtzionatuko dute.

Deskarga elektriko baten arriskua murrizteko, ez kendu produktu honen estalkia edo atzeko atala. Produktuaren barruan ez dago erabiltzaileak bere kabuz konpon dezakeen piezarik. Utzi mantentze-lanak langile adituen esku.

Sute edo deskarga elektriko baten arriskua murrizteko, ez busti produktu hau (tantak, zipriztinak, euria, hezetasuna…).

Ibilgailua gidatzen ari zarenean, baxu samar eduki unitatearen bolumena, kanpoko soinuak entzuteko moduan.

Ez utzi inoiz unitatea erortzen, eta saihestu kolpe gogorrak.

Gidariak ez dio pantailari begiratu behar gidatzen ari den bitartean. Hori eginez gero, arreta gal dezake eta istripu bat gerta liteke.

KONTUZ:

• Ez erabili telefono mugikorra gidatzen ari zarenean. Ibilgailua toki seguru batean gelditu behar duzu telefono mugikorra erabiltzeko.
• Nabigazio-irratia erabiltzeak ez du esan nahi gidariak erantzukizunik ez duenik. Beti bete behar dira zirkulazio-arauak. Behatu beti uneko trafiko-egoera.
• Aplikagarriak diren trafiko-arauak eta une horretako trafiko-egoera beti daude nabigazio-sistemak igorritako argibideen gainetik, batak bestearen kontrakoa adierazten duen kasuan.
• Trafikoko segurtasun-arrazoiak direla eta, bidaia bat hasi aurretik edo ibilgailua geldi dagoenean bakarrik erabili nabigazio-sistemaren menuak.
• Toki jakin batzuetan, ez daude erregistratuta noranzko bakarreko kaleak eta biratzea eta sartzea debekatuta dauden tokiak (adibidez, oinezkoentzako guneak). Halako tokietan, nabigazio-sistemak ohartarazpen bat igorriko du. Jarri arreta berezia noranzko bakarreko kaleetan eta biratzea eta sartzea debekatuta dauden tokietan.
• Nabigazio-sistemak ez du kontuan hartzen iradokitako ibilbideen segurtasun erlatiboa. Iradokitako ibilbideetan ez dira aintzakotzat hartzen errepide blokeatuak, eraikuntza-lanak, altuera edo pisu murriztapenak, trafikoaren edo eguraldiaren egoera edo ibilbidearen segurtasunari edo bidaiaren iraupenari eragiten dioten beste faktore batzuk. Jarraitu zeure irizpidea iradokitako ibilbideen egokitasuna erabakitzeko.
• Uneko errepidearen legezko abiadura-mugak beti du datuetan gordetako balioekiko lehentasuna. Ezin da bermatu nabigazio-sisteman agertzen diren abiadurak trafiko-araudiko balioekin bat etorriko direnik beti.
• Trafiko-arauetan ezarritako legezko abiadura-mugak errespetatu beti. Ibilgailuaren bistaratzeko garaian, abiadura-neurgailuak du lehentasuna beti.
• Ez fidatu nabigazio-sistemaz bakarrik larrialdi-zerbitzu baten kokapena jakin nahi duzunean (ospitalea, suhiltzaileak, etab.). Ezin da bermatu zugandik gertu dauden larrialdi-zerbitzu guztiak datu-basean gordeta egongo direnik. Jarraitu zeure irizpidea eta gaitasunak egoera horietan laguntza eskuratzeko.

KONTUZ:

• Ez izan nabigazio-sistema piztuta motorra geldi dagoenean. Hori eginez gero, ibilgailuaren bateria agor daiteke. Nabigazio-sistema erabiltzen duzunean, motorra abian izan beti.
• Gidariak nabigazio-sistema erabili nahi duenean, lehendabizi, aparkatu ibilgailua leku seguru batean eta jarri aparkatzeko balazta. Sistema gidatzen duzun bitartean erabiltzen baduzu, arreta gal zenezake eta istripu larri bat eragin.
• Ez desmuntatu edo aldatu sistema hau. Hori eginez gero, istripuak, suteak edo deskarga elektrikoak gerta daitezke.
• Estatu/probintzia batzuetan, gidatu bitartean bideo-pantailen erabilera murrizten duten legeak egon daitezke. Legezkoa denean soilik erabili sistema.
• Ez erabili telefono mugikorra gidatzen ari zaren bitartean. Ibilgailua toki seguru batean gelditu behar duzu telefono mugikorra erabiltzeko.