Triangelu ekilatero baten barruan dagoen eta gezi itxurako burua duen tximista-ikurrak erabiltzaileari jakinarazten dio isolamendurik gabeko tentsio arriskutsua dagoela produktuaren barruan, eta tentsio hori nahiko handia izan daitekeela deskarga elektriko bat sortzeko.

Triangelu ekilatero baten barruan dagoen harridura ikurrak erabiltzaileari jakinarazten dio gailuarekin datozen erabilera-jarraibideetan erabilerari eta mantentze-lanei (doikuntza eta konponketei) buruzko informazio garrantzitsua dagoela.

Gidatu beti autoa segurtasunez. Ez galdu arreta ibilgailua gidatzen ari zarenean, eta beti erne ibili zirkulazio-baldintzak zein diren antzemateko. Ez aldatu ezarpenik, ezta eginbiderik ere. Geldi zaitez modu seguru eta legezkoan ekintza horiek egin aurretik. Segurtasuna zaintzearren, eginbide jakin batzuk desgaituta daude, eta aparkatzeko balazta piztuta dagoenean bakarrik funtzionatuko dute.

Deskarga elektriko baten arriskua murrizteko, ez kendu produktu honen estalkia edo atzeko atala. Produktuaren barruan ez dago erabiltzaileak bere kabuz konpon dezakeen piezarik. Utzi mantentze-lanak prestakuntza jaso duten langileen esku.

Sute edo deskarga elektriko baten arriskua murrizteko, saihestu urak produktu hau bustitzea (dela tantaka, dela zipriztinduta, dela euripean, dela hezetasunarekin...).

Ibilgailua gidatzen ari zarenean, izan ezazu unitatearen bolumena baxu samar, kanpoko soinuak entzuteko moduan.

Ez utzi inoiz unitatea jausten, eta saihestu kolpe gogorrak.

Gidariak ez du pantaila begiratu behar gidatzen ari den bitartean. Hori eginez gero, arreta gal dezake, eta istripu bat gerta daiteke.

KONTUZ:

• Ez erabili telefono mugikorra gidatzen ari zarenean. Ibilgailua toki seguru batean gelditu behar duzu telefono mugikorra erabiltzeko.

• Nabigazio-irratia erabiltzeak ez du esan nahi gidariak erantzukizunik ez duenik. Beti bete behar dira zirkulazio-arauak. Begiratu beti uneko trafiko-egoera.

• Aplikagarriak diren trafiko-legeek eta une horretako trafiko egoerek beti nabigazio-sistemak igorritako argibideen gainetik daude, batak bestearen kontrakoa adieraziz gero.

• Trafiko segurtasun-arrazoiengatik, nabigazio-sistemaren menuak erabili bidaia bat hasi aurretik bakarrik, edo ibilgailua geldi dagoenean.

• Toki jakin batzuetan, ez daude erregistratuta noranzko bakarreko kaleak eta biratzea eta sartzea debekatuta dauden tokiak (adibidez, oinezkoentzako guneak). Halako tokietan, nabigazio-sistemak ohartarazpen bat igorriko du. Jarri arreta berezia noranzko bakarreko kaleetan eta biratzea eta sartzea debekatuta dauden tokietan.

• Nabigazio-sistemak ez du kontuan hartzen iradokitako ibilbideen segurtasun erlatiboa. Iradokitako ibilbideetan ez dira aintzakotzat hartzen errepide blokeatuak, eraikuntza-lanak, altuera edo pisu murriztapenak, trafikoaren edo eguraldiaren egoera edo ibilbidearen segurtasunari edo bidaiaren iraupenari eragiten dioten beste faktore batzuk. Jarraitu zeure irizpidea iradokitako ibilbideen egokitasuna erabakitzeko.

• Uneko errepidearen legezko abiadura-mugak beti du datuetan gordetako balioekiko lehentasuna. Ezinezkoa da bermatzea nabigazio-sisteman dauden abiadura-balioak egoera guztietan trafiko-erregelamenduetan dauden balioekin bat etorriko direla.

• Beti zaindu trafiko-erregelamenduetan dauden abiadura-muga legal aplikagarriak. Ibilgailuaren abiaduraren adierazpenari baino abiadura-neurgailuari lehentasuna eman behar zaio.

• Ez fidatu nabigazio-sistemaz larrialdi-zerbitzu baten kokapena jakin nahi duzunean (ospitalea, suhiltzaileak, etab.). Ezinezkoa da bermatzea zugandik gertu dauden larrialdi-zerbitzuak datu-basean gordeko direla. Jarraitu zeure irizpidea eta gaitasunak egoera horietan laguntza eskuratzeko.

KONTUZ:

• Ez izan nabigazio-sistema piztuta ibilgailua geldi dagoenean. Hori eginez gero, ibilgailuaren bateria agor daiteke. Nabigazio-sistema erabiltzen duzunean, ibilgailua abian izan beti.

• Gidariak nabigazio-sistema erabili nahi duenean, lehendabizi ibilgailua toki seguruan aparkatu behar du eta aparkatze-balazta ezarri. Gidatu bitartean nabigazio-sistema erabiltzeak gidariak arreta galtzea eragin dezake eta istripu larri bat gertatzea.

• Ez desmuntatu edo aldatu sistema hau. Hori eginez gero, istripuak, suteak edo deskarga elektrikoak gerta daitezke.

• Estatu/probintzia batzuetan bideo-pantailen erabilera murrizten duten legeak existitzen dira. Erabili sistema soilik legezkoa denean.

• Ez erabili telefonoa modu pribatuan gidatzen ari zaren bitartean. Toki seguruan gelditu behar duzu hura erabiltzeko.